13‏/2‏/2008

إلى من يهمه الأمر (2)...



عزيزي أبي الأكبر / آدم !!

لا أعرف يا هل ستتقبل رجوعي إليك مرة أخرى أم لا ؟؟

أنه أنا يا أبي !!

أبنك بعد آلاف الأجيال ..

أبنك المخطئ .. وليس أبنك العاق ..

فأنا لم أكن عاق لك يا أبتي !!

فاسمح لي أن أجلس على قدمك وأحكي .. وأبكي .. وأعتذر ..

فقط حاول أن تفهمني يا أبتاه ..


قلت عنك من قبل بأنك أسوأ مربي .. وأعلنت سخطي وتذمري علي شخصك الفاضل ..

من فضلك لا تقتلني بنظراتك يا أبي ..

فقط دع حنانك يشفع لي حماقتي .. ودعني أكمل كلامي الذي لم أنهيه :

ربما ..

ربما لم أدرك حكمة الخالق عز شأنه فيما حدث من قبل ..

الحكيم .. اسم من أسماء ربنا العظيم .

خروجنا من الجنة لهو أعظم حكمة ..

أليس كذلك يا أبي ؟؟

حتى وإن لم نعلم لماذا !!

فنحن لم نؤتي من العلم إلا قليلاً .

فنحن نثق ونصدق بتدبير الله .

مهما كان ..

دون أن نشتكي أو نعترض ..

واللهم لا اعتراض .. حاشاك ربي أن نعترض .. فمن نحن يا ذو الحكمة لنعترض ؟؟

اللهم لا اعتراض .

وإن خرجنا من الجنة يا أبي .. فلدينا الفرصة لنعود إليها ثانية ..

مكرمين ..

مدللين ..

سنعود لها برحمته التي وسعت كل شيء .

سنعود إليها بعبادتنا .. وبأعمالنا الحسنة ..

وأنا واثق يا أبتي أن الجنة سيدخلها هذه المرة من يستحقها ..

أتمنى يا أبي أن أراك هناك ..

..

قابيل وهابيل ..

أول أولادك ..

ربما لم أعرف من قبل أن خطأ أي شخص سيكون لدرس لشخص أخر ..

فقط عليه أن يتعظ من خطأ غيره ..

أليس كذلك يا أبي ؟؟

ليس علينا أن نجرب كل الأخطاء لنعرف لنتعلم كم هي مضرة ومكروهة ..

فإذا كان قابيل أخطأ في حق أخيه ..

فعلينا أن نتعلم ونعي الدرس ..

ولكني فكرت بسوداوية مطلقة ، واعتبرت قابيل مجرم وقاتل ..

دون أن أضع اعتبارات لشعوره بالغيرة من أخيه .. ومع أنه عالج مشكلته بطريقة قاسية ..

إلا أنها تعبر عن مشكلة هامة في ابن آدم ..

الضعف ..

ضعف النفس يا أبي ..

فعلينا أن نكون أقوياء أمام أنفسنا قبل أن نكون أقوياء أمام غيرنا يا أبي ..

عكس الحيوانات التي عليها أن تكون قوية أمام غيرها فقط ..

فليجب أن نكون أقوياء أمام أخطاءنا ..

وإن أخطأنا يا أبي .. فربنا غفور رحيم ..

فعلينا أن نقوى مرة أخرى .. ونعترف بخطانا .. ونتوب ..

أليس كذلك يا أبي ؟؟

..

بالنسبة لأبنائك (مجرمي الحرب)

لا تقلق يا أبي ، فهم قلة في عالمنا ..

ليس عالمنا بهذا الاسوداد ..

فهناك رسل ..

وأنبياء ..

وعلماء ..

وأدباء ..

وأطباء ..

ومهندسون ..

وموسيقيون ..

ورسامون ..

يحاولون ملأ عالمنا بالحب ..

لازالت الدنيا تستحق أن تعاش ..

فقط لا تقلق ..

..

سامحنى يا أبي ..

فأنا مجرد ابن آدم ضعيف ..

..

ما أجمل وجهك يا أبي وأنت تبتسم لي ..

وما أجمل ابتسامتك الحانية ..

وتفضلوا سيادتكم بقبول وافر الاعتذار والامتنان !

مقدمه لسيادتكم :
أبنك بعد آلاف الأجيال :

أنا


هناك 10 تعليقات:

Hadota .. حـدوتة يقول...

والله رأيي ان مدونتك فى قمة الروعة والجمال

اسلوبك اكتر من رائع
فيه خفة دم
وحكمة لا يمكن انكارها بتنط من بين السطور


رسالتك الى ادم ابينا جميعا
فى غاية الجمال
وبما انى اختك فى البشرية فانا بضم صوتى لصوتك

لاحظ كلمة اختك دى
اختتتتك؟؟
ماشي؟؟
اصلك جاى فى مدونتى بتقولى انت شاب زى العسل ويامان وحاجات غريبة كده
:D

هوا مش باين عليا انى بكلم بصيغة المؤنث طول المدونة ولا ايه


عموما انت شكلك كنت بتهزر ولا انا لا انكر ان تعليقك فطسنى منن الضحك وخرجنى من حالة نفسوية معنوية مأساوية كنت بمر بيها


كلامك عن قوتنا امام اخطاءنا دا انا احييك عليه

وعن ان لسه الدنيا فيها حاجات تستاهل نعيش عشانها

وبوست عيد الحب كمان مميز جدا جدا ومن احلى الحاجات اللى قرتها عن عيد الحب
لان الحب مش محتاج يوم معين عشان الناس تحتفل فيه
الحب موجود فعلا مع كل دقة قلب جوا البنى ادم


:)

تحياتى
بداية رائعة وننتظر المزيد

عرين الغضب يقول...

عزيزتي حدوتة :
لا أدري كم من الأمطار يكفي سقوطها لتغمر جبال الخجل بداخلي !!

وخلينا نتكلم بالعامي عشان أعرف أعبر أحسن عن عميق اعتذاري ..
أنا ماكنتش بهزر لما علقت على البوست .. عشان أنا قرأت البوست الساعة 7 صباحاً .. يعني لسة جزء وعيي نايم .. وعلى حظك يا ستي الجزء اللي كان نايم ده هو الجزء المختص بالضمائر ..

وعامة ..
وبجد ..
أنا أسف ..
يا أختي (أختي)..
(خالصين ؟؟؟)

بالنسبة للحالة النفسوية المعنوية اللي كنتي بتمري بيها :
لما واحدة دماغها عالية زيك (واللهم لا حسد يعني) تمر بالحاجات الغريبة دي كلها .. أمال البنات (الــــــبــــنــــات) العادية تعمل أيه ؟؟ ..
عيشي حياتك بقى (يا شيخة) .. قومي وزقططي واتنططي فوق السرير زي العيال الشقية .. اعملي شقلباظ في الهوا .. اجري في الشقة زي القطط الصغيرة (الشقية برضه) .. طلعي لسانك لكل واحد او واحدة لابسين هدوم حمرا أو معاهم هدايا ملفوفة بالاحمر .. ده النهاردة عيد المغفلين ..
ووالله مفيش حاجة في الدنيا تستاهل ..

واعتقد كدة يا حدوتة حق العرب بتاعنا خلص ..
واخدة بالك أني استخدمت كل الضمائر الأنثوية الموجودة في كل القواميس المعروفة وغير المعروفة ..

وبإذن الله حتابعك في كتاباتك اللي جاية ..
خلاص يا (اختي في البشرية ؟)

ملحوظة بالفصحي :
كخطوة أخيرة لمحاولة غمر جبال الخجل لدي .. قمت بنشر هذا التعليق في (حدوتك) و (عرينتي) .
:)
أنا ..

زى الهوا يقول...

فكرة البوست حلوة اوى ومليانة مواعظ , انا بصراحة فى الاول كنت مستغربة وقولت ايه دا واحد بيتريق على ابينا ادم , لأ وكمان حاطط صورته , بس بعد كدة بصراحة احترمت طريقت حضرتك جدا , بس معلش ياريت تشيل الصورة منعا لأى لبث واكيد حضرتك عارف إن فى ناس كتير بتهيص , طبعا دى حاجة ترجعلك لو حاسس انها عادى خلاص , انا مش عارفة وجهة نظرى صحيحة ولا لأ .

حلوة الجملة دى اوى :

لا أدري كم من الأمطار يكفي سقوطها لتغمر جبال الخجل بداخلي !!

بجد اسلوبك رائع وبلوجك جامد , شكلها مش هاتبقى اول زيارة يافندم

عرين الغضب يقول...

العزيزة (زي الهوا)..
عرينتي شرفت بزيارتك (يا أفندم)..
بالنسبة لموضوع البوست ده :
قبل كدة أنا كتبت موضوع قبله اسمه (إلى من يهمه الأمر) ، كنت بهاجم في آدم بكل صراحة وعنف وغضب .. وكنت بحمله مسئولية عذاب وعناء البشر !! يمكن تجاوزت حدودي حبتين وأعترف بهذا !!
ولفت نظري لهذا التجاوز أعز ابن آدم (للدقة بنت آدم) .. وناقشتني في هدوء وكنت أستمع لها صاغراً والاقتناع يغزو مواطن المنطق في عقلي .. وافهمتني خطأي بطريقة لم تتعمد فيها إحراجي .. فولد هذا البوست ..
بالنسبة للصورة :
يا عزيزتي أنا لجأنا للمدونات عشان نبعد عن الناس اللي (بتهيص) مش كدة ؟؟
بعدين الصورة دي فيها جزء مهمش .. مش واضح فيها معالم أشخاص معينة .. بل واضح فيها أكتر المعاني .. حنان .. تسامح .. عطف ..
أنا لمست كدة في الصورة ..

أخيراً ..
صدقيني .. عرينتي ستزداد شرفاً بزيارتك يا افندم (برضة) :)
تحياتي..
{بس معلش ياريت تشيل الصورة منعا لأى (لبث) واكيد حضرتك عارف إن فى ناس كتير بتهيص , طبعا دى حاجة ترجعلك لو حاسس انها عادى خلاص}
عزيزتي : (لبس) وليس (لبث).

al motazamer يقول...

مدونة ممتازة يا زولو بيك والله اول مرة اعرف ان دماغك كبيرة و السويس بتطلع ناس حلوة كدة و مساءك زى الفل يا و...

عرين الغضب يقول...

إلى :
al motazamer

أعتقد أن اسمك هو (المتذمر) أليس كذلك ؟؟
أعذرني يا عزيزي ، فلغة (الأنجلوأراب) لدي ضعيفة للغاية !!
بالمناسبة : هذا الموقع يدعم اسماء المدونات بالعربية ..

شرفتني بزيارتك لعرينتي .. واضح إنك واحد من صحابي .. عشان مش أي حد يعرف الأسم الحركي السري بتاعي (زولو)!!
بس للأسف معظم أصحابي مش ضيوف عندي هنا .. واضح أنهم مشغولين جداً لدرجة أنهم مش لاقيين وقت يشوفوا صاحبهم بيقول أيه هنا..

على فكرة السويس فيها ناس رجالة وجدعان .. مش كلهم بلطجية وبتوع مخدرات .. كل مكان فيه حلو ووحش .. بس أنت دور :)


شكراً مرة تانية لزيارتك أيها (المتذمر) .. منتظرين أعمالك .. فقط كن متذمر إيجابي ولا تكن متذمر سلبي ..
بالتوفيق إنشاء الله ..
وائل ..

ayar يقول...

نسبنا لادم كأبناء .. واخطأنا واخطأ .. والله غفور رحيم .. الامر الاهم .. ان نقوى على انفسنا .. وائل عمر .. ايار حسن

عرين الغضب يقول...

أو ممكن يا يا يوري :
آيار آدم
وائل آدم
(أيه رأيك ؟)

ayar يقول...

كلنا ابناء ادم ولكنى اؤيد وجهة نظرك!!

غير معرف يقول...

؟؟؟؟؟؟؟؟؟؟؟؟؟؟؟؟ياريت اولاد ادم كلهم يقروا الكلام ده ويعرفوا ان الحياه ابسط من كل اللى بيحصل ومليانه امل وبالرغم من اننا اطردنا من الجنه هنرجع مدللين بجد بحييك على اسلوبك وكلامك الجميل والجديد بس انا حاسه انك تايه شويتين؟ياترى ليه؟فيه حاجت مينفعش نتامل فيها لانى ملاحظه انك بتحب تتامل كتير بس فيه حاجات حكم فى الحياه لو سلمتلها هترتاح ولو سالت هتتوه وربنا يوفقك