27‏/2‏/2008

بص ورا اللي قدامك (2) ..

استكمالاً للموضوع السابق ، سأتكلم هنا عن مفهوم الجمال عامة من منظور أخر ليس فلسفي ، إنما كطريقة للحياة .. أرجو أن يتسع صدركم لاستيعاب ما سأقول جيداً .. وأرجو لمن لم يقرأ الجزء الأول من هذا الموضوع أن يقرأه أولاً كي يتابع ما أقول بسهولة (أضغط هنا لقراءة البوست السابق ) ..


منذ سنوات وقعت ضحية ساذجة لقوم قيل عنهم (فلاسفة) حاولوا أن يروجوا أسلوب معين في الحياة ..

أرادونا أن نعيش على نهج ما توصلوا إليه من أفكار .. وكأن ما توصلوا إليه هو قمة السمو الإنساني في الحياة ..



وكان أول شخص زلزل أفكاري بعنف هو الفيلسوف (نيتشه) ، ربما لغرابة أفكاره وجراءتها !!

ووجدت أن أفكاره سوداوية للغاية وغير مقبولة إطلاقاً لأي مجتمع عاقل !!

فكان يدعو لنبذ الضعفاء من المجتمع ، والبحث عن الإنسان الكامل دون الحاجة إلى إله معين يتذلل له !!!! ورؤيته للدين هو انحطاط مجرد لا أكثر ..

وكانت المرأة بالنسبة له كائن مقرف بشع الخلقة !! وكان متشائم بطريقة غير معقولة .. وأليكم بعض مما قاله :

· لقد مات الله .. ونحن من قتلناه !
· لكي تعرف قيمة حياتك عش في خطر !
· زوج من العدسات النظيفة كفيلة لأن تشفي عاشق !
· أنه حقاً لشيء بشع أن يكون المرء إله !

(وكفاية كدة عليكم)

أما أبشع ما قاله نيتشه بالنسبة لي :

(أنا أتقى الناس كفراً بالله)

يخرب بيتك يا نيتشه !!

هذه الجملة أخذت من وقتي – للأسف – الكثير في محاولة تفسيرها !! لو كان الكفر بالله عباده (استغفر الله) ، لكان هو تقي في الكفر به ؟؟

(أيه الجنان ده ؟؟)

فلا عجب إذن أن يعيش نيتشه هذا حياة بائسة للغاية .. بل أمضى نصف حياته في المصحات العقلية بسبب أفكاره هذه ، فكان يؤلف كتاباً ثم يصبح نزيلاً لمستشفى المجانين لمدة تقرب من ستة أشهر !!

هذا كان نيتشه !


والشخص الأخر هو ( شوبنهاور) !

والكلام عنه أو أفكاره لهو تضيع لوقتي ووقتكم..

يكفينا أن نعرف أنه أبو الفلسلفة التشاؤمية ، وتربى على كتبه نيتشه ..

ويكفي القول بأن شوبنهاور أفكاره مدمرة لكل جميل في عالمنا .. وكان السبب في سنوات التيه الفكري والعقائدي التي مررت بها شخصياً ..


(يا أخي أشكالهم لوحدها تجيب أكتئاب مزمن .. فما بالك أفكارهم !!)



********************

بص ورا اللي قدامك ..
لا أخفي أنني سمعت هذه العبارة من المسلسل الكارتوني الشهير (تيمون وبومبا) المدبلج باللغة العربية !! ولكني فكرت فيها كثيراً واستخرجت منها معاني كثيرة بدأت في تطبيقها بعد ذلك ..

مثال بسيط لهذه العبارة :
قام توماس أديسون بحوالي 1000 محاولة لاختراع المصباح الكهربائي .. ولم ييأس أبداً .. نجح أخيراً وأضاء العالم كله بدون مبالغة .. فسأله الصحفييون : لقد قمت بألف محاولة فاشلة لاختراع المصباح الكهربائي .. أنك لصبور حقاً يا سيدي !
ابتسم أديسون وقال: من قال أنها محاولات فاشلة ؟؟ بالعكس ! لقد اكتشفت ألف طريقة ناجحة لعدم صنع المصباح الكهربائي !!

هل فهمتم وجة نظري ؟؟
هذا الرجل تجاوز مبررات الفشل .. ونظر لما هو أبعد من ذلك !!

فإن كنا نمر بمرحلة معينة من الضيق والفشل ، فعلينا أن لا نضعف أبداً .. بل نستغل فشلنا هذا ونحوره لشيء ناجح بطريقة أخرى .. لن أقول كيف .. أقيموه أنتم بطريقتم .

وفوجئت بالكثيرين هنا يعتقدون بأني شخص رومانسي حالم وشقي وأرى الحياة بلون وردي .. وتمنيت أن يعرفوني منذ سنتان فقط .. الشخص الأخر مني .. الشبح الفاشل وبركان الاكتئاب وزلازل اليأس وأعصاير التشاؤم .. كلها مجتمعة في شخص واحد .. أنا .

بصوا ورا اللي قدامكم زي ما قال الفليسوف (تيمون) ..

أبحثوا عن معاني الجمال في حياتكم .. فهو حتماً موجود يا رفاق ..
فإن كان المستقبل يبدو أمامكم كجبال وعرة صماء .. أنظروا لما وراء تلك الجبال .. ستجدوا غابات من الورود تنتظركم ..

الجمال مثل الله .. موجود في كل مكان ..

بل الله نفسه جميل ويحب الجمال ..
فهل يضن الله على عباده بما يحب ؟؟

بالمناسبة ..
أحضرت لكم اليوم هدية من (هادر ديسك ) صديق عزيز علي أخر .. ليس متعجل كالأخر ..
الهدية عبارة عن ملف فيديو ..
رقيق جداً ..
وإثبات قوي للبحث عن الجمال ..
حتى بين ذرات الرمال ..
سترون فنان .. لم يكتف بالنظر إلى الرمل على أنه مجرد رمل ..
بل صنع منه لوحات بسيطة ورائعة في الجمال ..
كان من الممكن أن تكون تلك الأصابع لشخص عادي .. أو نشال .. أو مجرم عتي ..
بل كانت لشخص ذو حس فني رائع ..

وكان من الممكن أن تشترك حبات الرمال تلك في صنع كومة رمال تشوه مكان ما .. أو تكون قذارة كريهة ..
بل الرمال كونت لوحة ذو حس فني رائع (أيضاً) ..

تأملوا الرسام وهو يرسم !
تأملوا اللوحة وهي تُرسم !
تأملوا الجمال وهو يولد !

ثم تأملوا في أنفسكم أنتم ..

هذا هو ملف الفيديو ..





ومن يريد التحميل .. يضغط هنا

الحياة حلوة .. لو أحنا عايزنها حلوة .. بلا نيتشه بلا شوبنهاور بلا قرف ..

وائل .

هناك 19 تعليقًا:

maha zein يقول...

طب اقول ايه طيب انا...يعني الكلام ده ايه ده...والفيديو ده ايه ده....واد ايه الواحد ممكن يكتب ويعبر عن مية فكرة من ورقة يشوفها وقعة في الشارع...ولا كيس بوز مرمى...ولا صورة حلوة ولا حتي وحشة يشوفها فى هارد صحبك...ولا ايه الجمال ده....بدور كل شوية علي حاجة جدية تبتها...متتاخرش وخليك عارف ان في ناس بتستني الكلام والتاملات.
انا هسمة مدونتك تأملات...بليش عرين غضب ده..الا اني طبعا بحترم اسم مدونتك...لكن انت مالك انت يا جدع انا هسميها تاملات انا حرة...بتتامل في كل شىء وفي اي حاجة وبتخلي الاخرين يتاملوا معاك...بتصحي جوه الي يقرالك حب التأمل ..والتفكير...مع شوية المويسقي الجمدة دي المود بيكمل.
اجمل شىء أن مدونتك تبقه ليها مود خاص بيها وسط الاف المدونات...وانك تاخد طريق محدش وخده.
شاطر >
بقولك...يا ريت تشيل الكلمة السرية الي بنكتبها لما نيجي نعلق عندك...حساها مستفزة وبتعيق اكيد ناس كتير تحب تعلق يعني من غيرها التعليق اسهل

maha zein يقول...
أزال أحد مشرفي المدونة هذا التعليق.
wael يقول...

مها :
الرد على تعليقك وحده يحتاج إلى بوست كامل معنون باسمك ، ولكن دعيني أحاول التعقيب على كلامك يا عزيزتي :

* بالنسبة لعرين الغضب ، هذا الاسم الذي اخترته أنا لمدوتنتي .. وجعلت الغضب هنا حيواني المستأنس الذي لن يتوانى عن التحول إلى كائن شرس لا يعرف الرحمة تجاه السلبيات التي نعيش فيها .. حتى الموسيقى التي توجد في افتتاحية المدونة دائما ما أتخيلها في حالة خروج الغضب من عرينه .. وإذا أردت يا مها تسميتها بـ ( تأملات) فهذا حقك علي يا عزيزتي وعلي أن أحترمه بكامل الاحترام .. ولكني أحذرك إذا ما دخلت مرة إلى المدونة ووجدت الغضب يربض في سكينة ووداعة ، وفي يديه أبرتين تيريكو وشلة صوف ومنهمك في صنع كوفية مقلمة !
(عامة براحتك يا مها .. أنتي ضيفة هنا وصاحبة مكان)
يا خرابي على الذوق .. مش ممكن ياض يا وائل .. أيه يابني ده .. أنت غلبت تامر الطائي في الكرم التامري :)


** بالنسبة لمود المدونة .. أنتي لسة شفتي حاجة ؟؟ أصبري عليا بس ..

*** بالنسبة للكلمة السرية .. علم يا افندم وتم التنفيذ .. اللي عايز يكتب تعليق .. يتفضل دوغري من غير لف ودوران .. وبعتذر عن هذا الخطأ الغير مقصود مني .. فأن حديث في التدوين وتوجد خفايا لا أدريها حتى الآن .. ولكني أحاول يا عزيزتي .. وشكراً لكي على لفت نظري ..

غير معرف يقول...

سيدي الدوق / وائل ( حلوة الدوق دى ) انت كلامك بجد بيخلى الواحد يفكر كتير فى حاجات ممكن تعدى من اقدامة من غير يعملها اعتبار لكن انت بجد مليون على مليون
لكن لية تعليق صغير على اراك انا بحس انت وائل اللى بيكتب فى المدونة اللى انا بجد بستنى الجديد فيها مختلف شوية عن وائل اللى بشوفة انت بتتكلم عن الجمال و التفائل ووووو ......
لكن انت فى الحقيقة بحس انت اصلا متشائم ومش عجبك حد فى الدنيا دى كلها وانك انت نفسك تكون زى هتلر

غير معرف يقول...

اه معلش يا سيدى الدوق نسيت اقول فى التعليق اللى فات حاجة انا مقصدش بأنك تكون هتلر الانسان المعقد اللى ابوه خلفه من بنت اخوه وحرمه من هوايه الرسم اقصدى يعنى مش هتلر المعقد نفسيا انا اقصد هتلر الزعيم القائد المحب دائما السيطرة على كل شئ يكرة الهزيمة بكل صورها هوده هتلر اللى انا شيفوه فيك مع شوية حاجات تانية بلاش دلوقتى

wael يقول...

إلى مها مرة أخرى :

جرى أيه يا مها ؟؟ هو أنا مش ورايا غيرك واللا أيه ؟؟ :)

بالنسبة لطلبك السري .. احتراما لرغبتك يا عزيزتي تم التنفيذ بدون مناقشة !!

وأنا واثق بأن ما يلي لن يفهمه أحداً غيرك :

قلت من قبل (بص ورا اللي قدامك) ..

وأعتقد أني طبقت هذه المقولة على نفسي أولاً ..
وغيرت فعلاً من أسلوبي كثيراً وبطريقة لاحظها مرتادي عرينتي ..
فلا داعي أنت تنظري (يا عزيزتي) لما وراء ورائي ..
إن كانت مدونتي عبارة عن كوب .. فانظري إلى نصفه المملوء ..
فلا يبحث أحد عن النصف الفارغ .. فما روي الهواء يوماً عطش ظمآن !!
(يا جامد يا وائل )

وعودة إلى مثال أديسون :
فقد اخترع ألف مصباح فاشل ..
وتوصل إلى واحد ناجح ..
فنسي الناس المحاولات الفاشلة ..
ولم يسأله أحد يوماً ما : قل لي يا مستر أديسون .. لماذا لم يضيء المصباح رقم 17 ؟؟
أليس كذلك يا مها ؟؟

وعامة يا ستي أوعدك بعدم تكرار (المصباح رقم 17) مرة أخرى ..

بس كدة يا مها ؟؟
ده أنتي تؤمري 
أشكرك يا عزيزتي

وائل ..

بس مش حتقولي يعني أيه سوكلانس دي ؟؟

wael يقول...

إلى محمود :

احتراماً لحق الكلمة ..
وتبجيلاً لحرية التعليق نشرت كلمتك ..

ولكن أولاً أريد أن أصحح خطأ تاريخي ورد في تعليقك :
أبو هتلر لم يكن عم أمه .. وأم هتلر لم تكن له زوجة عمه !! أو هتلر نفسه هو أبن عم نفسه .. أو أبن بنت عمه !!!
بمعنى : أبو هتلر لم يتزوج أبنه أخيه كما تقول يا عزيزي !!
بل هتلر نفسه هو الذي تورط في علاقة غير شرعية مع أبنه أخته ، ولما بدأت أعراض الحمل تظهر عليها .. ثم بدأت أبنه أخته نفسها تتكلم عن هذه العلاقة أمام وسائل الإعلام .. قتلها هتلر والجنين في بطنها ..

بالفعل هتلر كان يهوي الرسم في طفولته .. بل قام برسم لوحات رائعة تظهر الفنان الذي بداخله .. وتوجد مقولة لأحد علماء النفس تقول : لو سمحت أم هتلر له بمص أصبعه في طفولته ، لما كتب الموت على ملايين البشر !!

ومع أن مقارنتك هتلر بي آلمتني للغاية .. إلا أنني سأرد عليك بطريقة بسيطة جداً :

فلنفترض يا سيدي أني متشائم كما تقول ، هل وجدتني أنشر هنا هذا التشاؤم وأدعو الناس لاعتناقه ؟؟ هل طلبت من الناس إذا رأوا طفلاً سعيداً ويضحك في مرح أنت يتخيلوه وهو يبكي في ألم ؟؟

وصدقني يا عزيزي .. سيشرفني جداً لو كنت أنا المتشائم الذي يدعو الناس للتفاؤل .. فبهذا أكون حاربت نفسي قبل أن أحاربكم أنتم .. فيا لشرف المعركة (في وجهة نظري أنا طبعاً)..

هذا هو ردي باختصار ..
وشكراً لتعليقك الذي أعتز به كثيراً ..

إمضاء :
المارشال فيلد / قائمقام / أمير البحر/ الصاري عسكر / السير / الدوق / لواء أركان حرب متقاعد / جندي أرناؤوط :
وائل

غير معرف يقول...

شكرا على الرد والنشر بسرعة لكن معلوماتى صحيحة فعلا هتلر هو نتاج علاقة غير شرعية بين ابية وابنه اخية وانا اعلم ايضا قصة هتلر مع ابنة اختة للان انا شخصيا من المهتمين بالقراءة والمعرفة عن هذة الشخصية الغريبة ومستعد احكيلك تاريخ حياتة كلة لو حبيت وشكر ايها؟؟؟؟؟؟؟؟؟؟؟؟؟

wael يقول...

إلى محمود :

توجد حكمة تقول :

رأيي صواب يحتمل الخطأ .. ورأي غيري خطأ يحتمل الصواب !!!

وبالنسبة لهتلر ..
لن أهتم إطلاقاً بالتحقق من نسبه .. حتى ولو كان هو نفسه زوج أمه .. أو هو أبنة خالته شخصياً !!لن أهتم أيضاً .. أنه مجرد سفاح ومجرم حرب تسبب في موت ملايين البشر بطريقة مؤلمة وقاسية ، والهدف منها هو مجده الشخصي .. بل إني أفضل قراءة قصة كفاح (عماد بعرور) عن أدولف هتلر ..

وشكراً لتصحيح معلومة الأمير القادم .. (قصدي يعيني جمال مبارك وليس علاء) بعدين هو مش حسني مبارك كان عنده بنت ؟؟ واللا ده كان جمال عبدالناصر ؟؟

إمضاء :
المارشال فيلد / قائمقام / أمير البحر/ الصاري عسكر / السير / الدوق / لواء أركان حرب متقاعد / جندي أرناؤوط :
وائل

Straightforward يقول...
أزال المؤلف هذا التعليق.
Straightforward يقول...
أزال المؤلف هذا التعليق.
maha zein يقول...

هاه نزلنا بوست عز يا وز...واستعنا بمقولتكم المحترمة (لا يفل الحديد الا الحديد) وحركات.... واستنينا تدخل تطل عليها...لكن مفيش ...ومش لقية لا تعليق ولا حتي اي قراءة...طب اعمل ايه لازم كل مرة كده ادخل واخبط واصحيك من النوم واقولك اتفضل بسرعة ادخل وقول رأيك هه

wael يقول...

إلى : ميس جرين (أم أند ام )

أولاً : أهلا وسهلا.. أهلا وسهلا.. أهلا وسهلا.. (3 برضه)

ثانياً : عجبني أوي رأيك عن الفلسفة .. بس المنطق عندي كان بيسأل : هي البرتقالة كانت بلدي أم بصرة ؟؟

ثالثاً : أنا متأكد يا عزيزتي أني لو سألت أديسون بعد لما خلص المحاولة رقم 654 عن رأيه في التفائل .. كان حيزعق لي ويقول: أمشي ياض أنت ألعب بعيد .. أنا مش فاضي لك ..
وحيبدأ بكل عزم وإصرار في المحاولة رقم 655 ..

لأنه لو كان عنده وقت لليأس ..كان زمانه وقف عند المحاولة رقم 5 ..
ده حتى لما نجح ووصل لهدفه .. داس بالجذمة على اليأس وقال بكل تواضع انه اكتشف 1000 محاولة فاشلة ..

حدوتة ..
أنا عارف إننا بشر ..
بس أحنا بشر حتبص ورا اللي قدامها ..

على فكرة : العزف على الكمان صعب جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً جداً

بس هل ده سبب إن محدش بيعزف كمان ؟؟
غمضي عينك دلوقت وافتكري المقدمة الرائعة بتاعة موسيقى الف ليلة وليلة .. الحتة بتاعة الكمان اللي في الأول ..
وفكري لو الصوابع عرفت اليأس من صعوبة التعلم .. ساعتها كان حياتك أنتي نفسها حتتغير .. عشان لحظتها ما كنتيش حتسمعي اللحن ده .. كان زمان بتعملي حاجة تاني غير سماع الصولو ده عشان هو مش موجود أساساً ..
فهمتي حاجة ؟؟

شرفتيني بزيارتك يا حدوتة ..

(هو فيه كام حدوتة بالضبط؟؟ )

وائل ..

wael يقول...

بالمناسبة يا حدوتة :
التعليق بتاعك وصل منه صفحتين بس .. ممكن تكتبي الـ 173 صفحة التانيين ؟؟
معلش حتعبك معايا ..
أنا مستني أهو ....

:)

wael يقول...

(عز) يزتي مها ..

تواضعنا بدخول البوست الأخير بتاعك .. وتفضلنا بقراءته .. ثم تكرمنا بإدراج تعليق يليق بمقامنا ومقامك ..

ونحن إذ نعتذر اعتذارا شديداً حديداً لتأخرنا في الرد عليكي ..

مع تحياتنا السخية بإفراط لا حد له ..

سلطان مملكة الغضب :
العبد الفقير المتواضع لله ..
الشاب الحليوة الأمور السكر الشربات العسولة ..
وائل ..

Hadota ... حدوتة يقول...

معلش هيكون حدوتة مين ؟؟حدوتة اللى هوا انا يعنى بس غلطة مطبعية علقت باكونت تانى ومعرفتش اغيره علشان التعليق كان اختفى

حصل خير اسمحلى امسح التعليق واكتبه باسمى عادى

------------------------

يخرب بيت الجمال
اعلق على ايه ولا ايه fبس يا وائل

بصراحة تناولك للموضوعات والافكار جذاب ويشد بشكل مالوش حل


كلامك فى البوست اللى فات عن الصورة وتأملك ليها وكون ان ليها مكانة خاصة عندك بيدل على انك شخصية متأملة جميلة بتعشق الجمال وليها طابعها الخاص فى الحكم على الاشياء .. ودى من اجمل الحاجات فى اى بنى ادم


كلامك عن الفلاسفة بقى ... فطبعا طبعا طبعا احب اضيف ان الفلسفة هى علم الحفاظ على البرتقالة بدلا من اكلها سليمة .. وانا شخصيا شخصيا شخصيا (تلاتة شخصيا) بشوف ان الفلاسفة دول ناس معقدين فكريا ونفسيا ومعنويا .. والكلام اللى بيقولوه يستطيع ان يقوله اى حد فى تالتة ابتدائى بس لو قاله بلخبطة شويه عشان يبقى فيلسوف يعنى
:D

لا يجيد الفلاسفة غير اللف والدوران والتحوير فى الكلام وافلامنات كده متاكلش معايا خالص ومتخشش زمتى كمان .. هذا لا يمنع انه فيه فعلا فلاسفة محترمين يستحقوا كل تقدير اضافوا للعلم ولكنهم قلة .. اما الباقى فهم مجموعة من المعقدين وجدوا ان محدش بيسمعهم قاموا عملوا كتب فيها كلام مش مفهوم عشان الناس تديهم من وقتها بعض الوقت عشان تفهمهم


والله انا شكلى رغيت كتير ووصدعتك

بس الفيديو عجبنى جدا جدا وانا نفسي كنت بتمنى اكون اعرف فى الرسم لانى برده ساعات بشوف صور كده تشدنى او اقعد اتأمل فيها

كان نفسي كمان اكون بعرف اعزف موسيقى وامسك كمنجة اعزف عليها واسرح فى الملكوت كده


كلامك عن التفاؤل والنظرة الايجابية والحاجات دى جميل ورائع بس هوا نظريا لذيذ انما واقعيا صعب التنفيذ جدا خاصة لو حد بيمر بمشكلة فعلا

اديسون قال كلامه دا عن المحاولات الفاشلة بعد ما نجح وكان اتشهر والتجربة بتاعته جابت نتيجة .. انا عاوزة حد كان يروح يسأل اديسون وهو فى المحاولة 654عن رأيه .. طبعا كنت هتلاقيه بيقول الله يحرق العلم على اللى عاوز يتعلمه .. قطعت الكهربا والمصابيح وقليل ان مكنش حدفك بلمبة فى ايده كان بيجرب بيها


قليل اوى لما تلاقى حد واقع فى ازمة وبيبص للامور بشكل متفائل .. الحكاية دى عاوزة قوة شخصية غير عادية وقدرة على التحكم فى الذات والفصل بين المشاعر


وائل .. احييكى .. مدونتك متميزة وتستحق المتابعة .. وتستحق انك تهتم بنشرها والترويج ليهااكتر من كده عشان كل الناس تقراها


تحياتى يا باشا

حدوتة

:)

wael يقول...

حدوتة /
في أخر تعليقك وردت كلمة :
وائل .. احييكى ..

أحييكي ؟

أنا راجل يا حدوتة .. بني آدم غرقان هرمونات تستروجين وحبة صغيرة من البروستروجين ..
كل ده ومش عاجب جنابك ؟؟

ayar يقول...

الله ياوائل .. تسلم ايدك بجد على كل كلامك وافكارك والمعانى اللى بتخلقها جوايا .. يمكن انا اتاخرت اوى فى قراية الموضوع دا بس قد ايه جميل وقد ايه فاجئنى وبجد جاى فى وقته تمام ... الفيديو خلانى اقول عشر تلاف الله ..ربنا خلقلنا حاجة جميلة اوى ياريت نستخدمها صح اسمها "الفن" ... وحاجة اجمل اسمها "الجمال " ...
واحب اقول مثلين حاضرين اوى فى ذهنى تعليقا على كل حاجة بتدور فى ذهنى :
" كل تأخيرة وفيها خيرة"
" والضربة اللى متقسمش ضهرى .. تقوينى! "

بشكرك بجد ياوائل .. بشكرك على حاجات كتير اوى مش عارفة حتى اوصفها!

رقيه المنسي يقول...

ارجو اعاده نشر الموضوع لاهميته وعظم تأثيره فى النفوس