16‏/1‏/2008

هي .. مرة أخرى .. وأكثر من أي وقت مضي



حبيبتي الحبيبة ..

صباح الخير .. أو مساء الخير ..

النهاردة أنا عايز أقولك على حاجة غريبة !!

(النهاردة أنا مبسووووووووووووط جداً )

بتسألي ليه ؟؟

!!!

أنا مش عارف ..

مش عارف ليه؟؟

أنا مبسوط وخلاص !!

ومش عارف ليه !!

أيه ده ؟؟

أنتي مستغربة عشان أنا مبسوط ؟؟

يعني هو عشان أنا مسمي نفسي (عرين الغضب) يبقى على طول لازم أكون زعلان ومكشر كدة زي الممثلين اللي مثلوا أدوار (كفار قريش) في الأفلام العربي بتاعة زمان ؟؟

لأ خالص .. إطلاقاً ..

ده حتى أنا بتلكك عشان أبتسم !

شوفي بقى يا ستي أنا :

زمان كانت فلسفتي في الحياة :

أنظر خلفك في غضب ، وأنظر أمامك في يأس !!

(يا ساتر على الكآبة )

وبما إن التغيير سنة الحياة (ماعدا نظام الحكم في مصر طبعاً)

قررت أتخذ فلسفة جديدة ..

قررت أغير السوفت وير بتاعي .. عشان يكون مناسب لشخصيتي الجديدة ..

قررت أتبع فلسفة :
كن جميلاً ترى الوجود جميلاً ..

وأضفت عليها بضع كلمات من عندي :

أبتسم .. يبتسم لك وجودك ..

اليأس عدوك .. ولكنه عدو ضعيف .. فتغلب عليه ..

لا تتحجج ببعد الشمس عنك .. فمهماً كانت المسافة ، فستظل حتما فوق رأسك!

لا تلم نفسك كثيراً على أخطاء الماضي .. فالمستقبل ينتظر ملؤه بإنجازاتك !!

أجعل الابتسامة على شفتيك كموج البحر .. ابتسامة تطارد ابتسامة ..

لا تبرر أبداً أخطائك السابقة .. ولا تحاول أن تبرر مبرراً لأخطائك .. فقط ببساطة : لا تكرر أخطائك !! (لا تبرر ولا تكرر)

لا تظن أن لا معنى لحياتك .. ثق بأنك هناك هدفاً ما لوجودك .. فإن عظائم قمم الجبال قد تهوى بسبب غياب ذرة رمل واحدة .. من يدري ؟؟

كل الناس .. جميع الناس .. هم مجرد (أنت) آخر .. حاول أن تساعدهم إن اخطئوا .. حاول أن تدعمهم إن أصابوا .. حاول أن تردعهم إن أساءوا .. حاول أن تسعدهم إن أخفقوا ..

(أليس ذلك ما يفسر : أنصر أخاك ظالماً أو مظلوماً؟)

حبيبتي !!

ممكن تساعديني إن كل اللي فات ده يتحول من كلمات لأفعال ؟؟

في حاجة كمان عايز أقولك عليها :
أنا قررت أكون محترم في تدويناتي ..

أو على الأقل بحاول ..

دي أوامر عليا وواجب التنفيذ فوراً !!

(لأ طبعاً مش من أمن الدولة)

ححاول ما أكونش (مبتذل) في تعبيراتي ..

أو على الأقل مش ححاول أني استخدم ألفاظ جارحة ..

ربنا يوفقني بقى !!

(في موضوع واحد بس حيكون حر الأسلوب ، بعدين حستقيم على طول)

أشوفك على خير !

موووووووووووووواه

هناك 5 تعليقات:

ayar يقول...

انت جميل ...
كلامك اخترق قلبى وعقلى ..
وكتبته .. وهانفذه ..

بغير من هى !

wael يقول...

معقول يا يوري بتغيري من مدونة ؟؟

(وش غرقان في بحر الخجل .. ولا يعرف السباحة مطلقاً)

ayar يقول...

ايا كانت ..

wael يقول...

؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟

ayar يقول...

!!!!!!!!!!!!!!!!!
!!!!!!!!!!!!!!!!!!!
!!!!!!!!